Auszug aus der Fellbacher Zeitung vom 10.11.22
„Jeder Schticklesbesitzer hot scho mal an Baumschnittkurs mitgmacht. Em Lauf der Jahre hot do jeder so sei eigene Philosophie entwickelt. A paar Grundregla gibt’s aber. Vor am Schneida d’Händ en d’Dasch, dreimol om dr Boom romlaufa ond gucka, was mr schneida will, was schtanda bleiba ko ond was obedengt raus muss. Net zviel rausschneida, scho gar net schnipfla, em Zweifl ganze Äscht raussäga, also auslichta. Am Schluss muaß der Boom a Gsiicht han. Älles Schneida hilft am End abr nix, wenn d’Leiter net richtig schtoht oder wenn mr sich zu weit naushängt. Ond wenn’s em nächschta Johr dann doch koin Ertrag gibt, dann war’s Wetter schuld.“
Vielen Dank an Charly Teubner, der bei diesem netten Artikel an uns gedacht hat!